بلاک چین ٹیکنالوجی کا تفصیلی تعارف

تعارف:

بلاک چین ٹیکنالوجی ایک غیر مرکزی یعنی ڈی سینٹرلائزڈ ڈیجیٹل لیجر (حساب کتاب کی نوٹ بک) ہے جو بہت سے کمپیوٹرز پر لین دین کو ایک بلاک کی صورت ریکارڈ کرتا ہے۔ ایک بلاک میں ٹرانزیکشن کی لسٹ، پچھلے بلاک کا حوالہ جسے ہیش بھی کہتے ہیں اور ایک تصدیقی مہر ہوتی ہے پر مشتمل ہوتا ہے۔ نیا بلاک، بلاک چین میں شامل کرنے کے لیے، نیٹ ورک کو ایک متفقہ میکنزم یعنی متفقہ فیصلے پر پہنچنا ضروری ہے۔

بلاک چین عام فہم زبان میں کیا ہے؟

ایک مثال سے سمجھتے ہیں آپ کے محلے میں ایک کریانہ /جنرل سٹور ہے۔ اس دکاندار کے پاس ایک کھاتا رجسٹر ہے جہاں وہ لوگوں کا ادھار لکھتا ہے۔ بلاک چین بھی دکاندار کے اسی ادھار رجسٹر کی طرح ہے۔ جہاں ایک بلاک سے مراد اس رجسٹر کا ایک صفحہ ہے اور تمام صفحات کا مجموعہ ایک رجسٹر ہے، یعنی بلاک چین ہے۔

بلاک چین دکاندار کا ایک ایسا رجسٹر ہے جس کی اوریجنل کاپی اس کے سارے ادھار لینے والے گاہکوں کے درمیان تقسیم ہوتی ہے۔ یعنی اگر ایک دکاندار سے پچاس لوگ ادھار لیتے ہیں تو ان پچاس لوگوں کے ادھار کا مکمل ڈیٹا تمام گاہکوں کے پاس ایک ہی وقت میں ریکارڈ ہوتا ہے۔ اب اگر کوئی اسلم نام کا ایک گاہک ادھار لے گا تو وہ انٹری پچاس جگہ اسی وقت نوٹ کی جائے گی۔ یعنی وہ اسلم اور دکاندار کے رجسٹر کے علاوہ، اجمل، انور، احمد، ماریہ، صائمہ وغیرہ کے رجسٹر میں بھی اسلم کے حوالے سے لکھی جائے گی۔ دکاندار یا گاہک میں سے کوئی ایک اسے تبدیل کرے گا تو وہ صرف ایک جگہ تبدیل ہوگی جبکہ پچاس جگہ ویسی ہی رہے گی، نتیجتاً اکثریت کا ریکارڈ معتبر مانا جائے گا اور جھوٹ اور جعلسازی ریجیکٹ کر دی جائے گی۔ ادھار کی مثال سمجھانے کے لیے دی گئی ہے۔ آپ اس مثال کو شفاف الیکشن کروانے، یا سرکاری و غیرسرکاری مثلاً لینڈ ریکارڈ/پٹواری سسٹم جیسے محکموں میں شفافیت لانے کے لیے بھی استعمال کر سکتے ہیں۔

پروف آف ورک ، پروف آف اسٹیک ، اور پروف آف اتھارٹی سمیت مختلف متفقہ میکانزم ہیں جو بلاک چین نیٹ ورکس میں لین دین کی توثیق کرنے اور نئے بلاکس بنانے کے لیے استعمال ہوتے ہیں۔ یہاں ہم اہم میکنزم کی وضاحت کریں گے:

پروف آف ورک(PoW):

سب سے زیادہ معروف اتفاق رائے کا طریقہ کار پروف آف ورک ہے، جو بٹ کوئن جیسی کرپٹو کرنسی میں استعمال ہوتا ہے۔اس متفقہ میکانزم میں، نیٹ ورک کے شرکاء، جنہیں مائنرز کہتے ہیں، پیچیدہ ریاضیاتی پہیلیاں حل کرنے کے لیے بڑی کمپیوٹر مشینی نوڈز کے ذریعے مقابلہ کرتے ہیں۔ پہیلی کو حل کرنے والے پہلے شخص کو بلاک چین میں لین دین کا ایک نیا بلاک شامل کرنے کا حق ملتا ہے۔ نیٹ ورک میں شامل مائنرز کو بطور ریوارڈ وہی کوئن انعام دیا جاتا ہے۔ نسبتاً مستقل وقت کو برقرار رکھنے کے لیے پہیلی کی مشکل کو بلاک بنانے کے لیے ایڈجسٹ کیا جاتا ہے۔مائنرز کو ان پہیلیوں کو حل کرنے کے لیے اہم کمپیوٹیشنل طاقت کی ضرورت ہوتی ہے۔ جس کے لیے زیادہ انرجی اور سرمایہ درکار ہوتا ہے۔

پروف آف اسٹیک (PoS)

پروف آف سٹیک بلاک چین میں ایک متبادل اتفاق رائے کا طریقہ کار ہے جو کمپیوٹیشنل کام پر انحصار نہیں کرتا بلکہ یہاں مختلف پارٹیاں کوئن کی صورت اپنی انویسٹمنٹ سٹیک پر لگاتی ہیں۔ یہ میکنزم ایتھریم اور کارڈینو جیسی کرپٹو کرنسی میں استعمال ہوتا ہے۔ یہاں مائینگ کی طرح پیچیدہ پہیلیاں حل کرنے کے بجائے، منٹرز کو نئے بلاکس بنانے یا لین دین کی توثیق کرنے کے لیے چنا جاتا۔ یہ بھی مائنرز کی طرح تصدیق کنندگان ہوتے ہیں جنہیں بلاک چین میں نئے بلاکس بنانے اور ان کے پاس موجود کوئن کی تعداد کی بنیاد پر لین دین کی توثیق کرنے کے لیے منتخب کیا جاتا ہے اور وہ گارنٹی کے طور پر مطلوبہ کوئن بطور کولیٹرل “سٹیک” پر آفر کرتے ہیں۔ اور بدلے میں نئی منٹ شدہ کوئن انکو بطور انعام دی جاتی ہیں۔ پروف آف سٹیک سسٹم میں ٹرانزیکشن کی تصدیق کرنے والے سٹیکرز کو ایمانداری سے کام کرنے کی ترغیب دی جاتی ہے کیونکہ اگر وہ دھوکہ دہی پر مبنی لین دین کی توثیق کرتے ہیں تو انہیں اپنے سٹیک پر لگے کوئن کھونے کا خطرہ ہوتا ہے۔ پروف آف سٹیک کو پروف آف ورک سے زیادہ انرجی فرینڈلی سمجھا جاتا ہے اور یہ ڈی سینٹرلائزڈ سسٹم کو فروغ دیتا ہے، حالانکہ دولت پر مبنی اتفاق رائے کا نظام ہونے کی وجہ سے اس پر تنقید کی جا سکتی ہے۔

پروف آف اتھارٹی (PoA):

پروف آف اتھارٹی ایک متفقہ طریقہ کار ہے جو بنیادی طور پر نجی یا کنسورشیم بلاک چینز میں استعمال ہوتا ہے۔

توثیق کرنے کے ذمہ دار ہیں۔پروف آف ورک اور پروف آف سٹیک کے برعکس، پروف آف اتھارٹی کمپیوٹیشنل کام یا رکھے ہوئے کوئن کی تعداد پر انحصار نہیں کرتا۔ یہ اتھارٹی پر اعتماد پر مبنی ہے۔ پروف آف اتھارٹی انتہائی سینٹرلائزڈ یعنی مرکزیت کا حامل ہے اور اس کا انتخاب نجی ترتیبات میں اس کی کارکردگی اور مناسبیت کے لیے کیا جاتا ہے جہاں تصدیق کنندگان پر بھروسہ کوئی تشویش کی بات نہیں ہے۔

نتیجہ :
ان متفقہ میکانزم میں سے ہر ایک کے اپنے فوائد اور نقصانات ہیں، اور ان کی مناسبیت کا انحصار بلاک چین نیٹ ورک کے مخصوص استعمال کے معاملے، حفاظتی تقاضوں اور اہداف پر ہوتا ہے۔پروف آف اتھارٹی میں، پہلے سے منظور شدہ نوڈز کی ایک محدود تعداد، جسے عام طور پر “اتھارٹیز” کہا جاتا ہے، نئے بلاکس بنانے اور لین دین کی…